रिधोरा ग्रामपंचायत

कामगिरी

रिधोरा गाव हे स्वच्छता, हरितीकरण आणि नीटनेटकेपणासाठी ओळखले जाते. ग्रामपंचायतीच्या पुढाकाराने नियमित स्वच्छता मोहिमा राबवण्यात येतात, ज्यामुळे गावात स्वच्छ व निरोगी वातावरण कायम राखले जाते. गावातील नागरिकांसाठी RO प्लांटद्वारे शुद्ध पिण्याचे पाणी उपलब्ध करून देण्यात आले आहे. तसेच जल जीवन मिशन अंतर्गत मोठ्या प्रमाणावर निधीची योजना प्रगतीपथावर असून, प्रत्येक घरापर्यंत स्वच्छ नळाद्वारे पाणीपुरवठा करण्याचे काम सुरू आहे. गावातील सुरक्षिततेच्या दृष्टीने ग्रामपंचायत मार्फत गावात विविध ठिकाणी CCTV कॅमेरे बसवण्यात आले आहेत. तसेच जिल्हा परिषद शाळांमध्येही CCTV बसवण्यात आले असून, शालेय परिसर अधिक सुरक्षित करण्यात आला आहे. जिल्हा परिषद शाळेतील विद्यार्थ्यांना स्वच्छ पिण्याचे पाणी उपलब्ध व्हावे यासाठी ग्रामपंचायतच्या माध्यमातून RO प्लांट बसवण्यात आला आहे. तसेच गावातील शासकीय शाळांबद्दल विद्यार्थ्यांची व पालकांची आवड वाढावी यासाठी जिल्हा परिषद शाळेचा ‘मॉडेल स्कूल’ मध्ये समावेश करण्यात आला आहे. या माध्यमातून शाळेत भव्य खेळाचे मैदान (ग्राउंड), प्रयोगशाळा (लॅब), RCC वर्गखोल्या तसेच आवश्यक शैक्षणिक सुविधा उपलब्ध करून देण्यात आल्या आहेत. या सर्व उपक्रमांमुळे रिधोरा गावाचा शैक्षणिक व सामाजिक विकास वेगाने होत आहे.